Kvifor sluttar så mange ungdommar å skrive nynorsk? Å finne svaret på dette spørsmålet er ei av utfordringane til prosjektet Målstreken. Målet for prosjektet er å motivere fleire ungdommar i Valdres til å halde på nynorsk som hovudmål. Målstreken er eit 3-årig pilotprosjekt i regi av Valdres Mållag og Noregs Mållag. Prosjektet starta i 2009.
Prosjektet Målstreken gjennomførte våren 2012 ei oppfølgingsgransking på Valdres vidaregåande skule. I rapporten frå granskinga kan du lesa meir inngåande om årsakene til språkskifte som elevane oppgir. Rapporten inneheld også ei evaluering av skulebesøka som vart gjennomførte i prosjektperioden. Les rapporten her
